Teka-P - C.T. (Maghini/Rodini)







La Bella, l'Amòr e l'Umanità

tri can bastàrd fioeù de Milàn

cont el C.T. sù on carrètt a motòr

in gir per i straad a informà el mond

Biànch i barbìs, lòngh i cavèi

e tropp i pensèr per sta lì a cuntai

vosava nel ciél, dentr'al castèll

quell ch'el scriveva sui soeu cartèll

còme a l'è... che podi pù parlà



On temp quand l'era non anmò on desperàa

l'era vùn ch'el ghe savèva fà

condìva i discòrs ch'eren faa de niènt

el savèva incantà, incantà la gent

la gent che la và, la gent che la vègn

che la te dà a trà per on moment

la gent che la voeur minga capì

che chi chi inscì sèmm adrèe a morì



Gh'era on tal cont on carr e tri can:

la Bella, l'Umanità e l'Amòr

parlava e vosava dentr'al castèll

parlava e vosava di ond in del ciel



L'hann trovaa

cont i can da fà pissà

disèn ch'el coeùr l'è s'cioppàa

ma l'è l'onda che se l'è ciappàa



Il clero ti uccide con l'onda!...